A CUP: DROO MECHI ZA NUSU FAINALI ZIMEPANGWA ZISOME HAPA

DROO ya Mechi za Nusu Fainali imefanyika hii Leo kwenye Mechi ambazo inazikutanisha Timu za Ligi Kuu England pekee.
Katika Droo hiyo Cryatal Palace imepangwa kucheza na Watford na Mechi nyingine ni kati ya Everton na Mshindi kati ya West Ham na Manchester United ambazo zitarudiana huko Upton Park baada ya Sare ya 1-1 huko Old Trafford hapo Jumapili.
Mechi za Nusu Fainali zimepangwa kuchezwa Uwanja wa Wembley Jijini London hapo Jumamosi Aprili 23 na Jumapili Aprili 24.
Fainali ya FA CUP itachezwa pia Uwanjani Wembely hapo Mei 21.
FA CUP – Historia ya Timu hizi 5:
Crystal Palace – Wamefika Fainali mara 1 tu Mwaka 1990 na kufungwa na Man United.
Everton – Wametwaa Kombe hili mara 5 lakini mara ya mwisho ni Mwaka 1995 (Wamelibeba Miaka ya: 1906, 1933, 1966, 1984, 1995). Pia wamefika Fainali mara 8 na ya mwisho ilikuwa 2009 chini ya David Moyes walipofungwa na Chelsea.
Watford – Wamefika Fainali mara 1 tu Mwaka 1984.
West Ham United - Wametwaa Kombe hili mara 3 lakini mara ya mwisho ni Mwaka 1980. (Wamelibeba Miaka ya: 1964, 1975, 1980). Pia wametinga Fainali mbili ikiwemo ile ya 2006 waliyofungwa na Liverpool.
Manchester United – Kati ya Timu hizi 5, Man United ndio wababe kwa kubeba FA Cup mara 11 lakini mara ya mwisho ni 2004.
TAREHE MUHIMU
Nusu Fainali
Jumamosi 23 Aprili 2016 & Jumapili 24 Aprili 2016
Fainali
Jumamosi 21 Mei 2016