MARTIAL AUMIA AKIITUMIKIA TIMU YAKE YA TAIFA HOFU KWA VAN GAAL

 

Anthony Martial ameipa Manchester United wasiwasi mkubwa baada ya kuondoka Uwanjani Wembley Jana Usiku akitembelea Magongo.

 

Martial, mwenye Miaka 19, Jana aliichezea France ilipofungwa 2-0 na England katika Mechi ya Kirafiki na kuumia Mguu wake wa Kushoto na kutolewa nje katika Dakika ya 67.

 

Wakati akiondoka Wembley baada ya Mechi hiyo Mguu wa Kushoto wa Straika huyo ulifungwa Bendeji nzito na alikuwa akitembea kwa msaada wa Magongo.

 

Hali hii itampa wasiwasi mkubwa Meneja wa Man United Louis van Gaal ambae anamtegemea sana Chipukizi huyo aliefunga Bao 5 tangu ahamie hapo Septemba 1 akitokea AS Monaco ya France.

Kocha wa France, Didier Deschamps, ameeleza Martial aliumia juu ya Mguu karibu na Vidole.

 

Huyu ni Mchezaji wa Pili wa Man United kuumia katika Wiki hii ya Mechi za Kimataifa baada ya Kiungo Michael Carrick kuumia Ijumaa iliyopita akiichezea England ilipofungwa 2-0 na Spain huko Alicante.

 

Jumamosi Man United inacheza Ugenini na Watford kwenye Mechi ya Ligi Kuu England.

 

LIGI KUU ENGLAND

 

 

 

**Baada ya Mechi za Novemba 8, Ligi kusimama kupisha Mechi za Kimataifa

 

Jumamosi Novemba 21

 

1545 Watford v Man United            

1800 Chelsea v Norwich                  

1800 Everton v Aston Villa              

1800 Newcastle v Leicester            

1800 Southampton v Stoke             

1800 Swansea v Bournemouth                

1800 West Brom v Arsenal              

2030 Man City v Liverpool               

Jumapili Novemba 22

1900 Tottenham v West Ham         

Jumatatu Novemba 23

2300 Crystal Palace v Sunderland