GEMU ULAYA KUENDELEA KAMA KAWAIDA LICHA HALI TETE

VIONGOZI wa Soka huko Ulaya wamethibitisha kuwa Mechi za Wikiendi za Ligi mbali mbali pamoja na zile za UEFA CHAMPIONZ LIGI na EUROPA LIGI zitaendelea kama zilivyopangwa licha ya hali tete ya usalama kufuatia mauaji ya Watu 129 huko Paris Ijumaa iliyopita.

Kufuatia tukio hilo Mechi kadhaa ziliahirishwa au kufutwa Barani Ulaya na Jana Mechi ya Kimataifa ya Kirafiki iliyopangwa kuchezwa huko Hannover kati ya Wenyeji Germany na Netherlands ilifutwa kutokana na tishio la bomu.

Lakini Msemaje wa UEFA amethibitisha kuwa Mechi za UEFA CHAMPIONZ LIGI na EUROPA LIGI za Wiki ijayo zitachezwa kama zilivyopangwa.

Huko France, imethibitika kuwa Mechi za Wikiendi hii za Ligi zitachezwa kama Ratiba inavyotaka lakini Mashabiki wa Timu ya Ugenini hawataruhusiwa kuingia Uwanjani kwa sababu za kiusalama.

Nazo England na Germany zimethibitisha kuwa Ligi zao, Ligi Kuu England na Bundesliga, zitachezwa Wikiendi hii kama zilivyopangwa.

Huko Spain, Rais wa La Liga Javier Tebas, amesema Mechi zote Wikiendi hii zitachezwa ikiwemo ule mtanange wa El Clasico kati ya Real Madrid na Barcelona Uwanjani Santiago Bernabeu hapo Jumamosi.