EMIRATES FA CUP
Raundi ya 5
Jumatatu Februari 22
2245 Shrewsbury v Man United
LEO Manchester United wako Ugenini kucheza na Timu ya Daraja la chini la Ligi 1, Shrewbury Town, katika Mechi ya mwisho ya Raundi ya 5 ya EMIRATES FA CUP ambayo Mshindi wake atakuwa Nyumbani kucheza na West Ham kwenye Raundi ya 6 ambayo ni Robo Fainali.
DROO ya kupanga Mechi za Raundi ya 6 ambazo ndio Robo Fainali ya Kombe Kongwe Duniani, FA CUP, ambalo sasa linaitwa EMIRATES FA CUP baada ya udhamini wa Kampuni ya Ndege ya UAE, Emirates Airlines, ilifanyika Jana huko Stamford Bridge mara baada ya Chelsea kuitwanga Man City 5-1 kwenye Mechi ya Raundi ya 5 ya Kombe hili.
EMIRATES FA CUP - DROO YA ROBO FAINALI:
Shrewsbury au Manchester United v West Ham
Arsenal au Hull City v Watford
Everton v Chelsea
Reading v Crystal Palace
** Mechi za Robo Fainali zitachezwa Wikiendi ya Machi 12.
Hii ni mara ya kwanza kabisa kwa Manchester United kukutana na Shrewsbury Town
Ambao kwa sasa wanasuasua kwenye Ligi 1 wakiwa Nafasi ya 19 ikiwa ni Pointi 3 tu juu ya Timu zile ziko hatarini kushuka Daraja.
Lakini nao Man United wanatinga kwenye Mechi hii kutoka kwenye vichapo viwili mfululizo toka kwa Sunderland kwenye Ligi Kuu England na FC Midtjylland kwenye EUROPA LIGI.
Kwa Mwaka huu 2016, Man United, chini ya Meneja anaesakamwa Louis van Gaal, wameshinda Mechi 5, Sare 2 na kufungwa 3 katika Mechi zao 10 zikiwemo ushindi kwenye Raundi zilizopita za FA CUP dhidi ya Sheffield United na Derby County.
Shrewsbury wao wanatinga kwenye Mechi hii wakitika ushindi wa 3-2 walipocheza na Blackpool kwenye Ligi na kwenye Raundi zilizopita za FA CUP walizitoa Cardiff City na Sheffield Wednesday.
VIKOSI VINATARAJIWA KUWA:
REFA: Robert Madley
EMIRATES FA CUP
Raundi ya 5
Jumatatu Februari 22
2245 Shrewsbury v Man United
THE EMIRATES FA CUP 2015/16
TAREHE MUHIMU
Raundi ya 6-Robo Fainali
Jumamosi 12 Machi 2016
Nusu Fainali
Jumamosi 23 Aprili 2016 & Jumapili 24 Aprili 2016
Fainali
Jumamosi 21 Mei 2016
No comments:
Post a Comment