POST YA MOURINHO INSTAGRAM BAADA YA URENO KUBEBA EURO 2016

Shukrani nyingi zinakwenda kwa Eder aliyepiga shuti lililozaa goli pekee la ushindi wa Ureno kwenye mchezo wa fainali ya Euro 2016 dhidi ya Ufaransa, mchezo uliopigwa kwenye dimba la Stade de France na kumalizika kwa Ureno kuibuka na ushindi wa goli 1-0 dhidi ya wenyeji.
Mashabiki wa Ureno duniani kote walidhihirisha furaha zao kwa namna tofauti-tofauti, kocha wa Manchester United Jose Mourinho ni miongoni mwao.
Kuonesha furaha yake, mkufunzi huyo raia wa Ureno ali-post picha yake instagram akiwa ameshika scarf ya Ureno na kuandika: “Kama unataka kutembelea bingwa wa michuano ya Ulaya, tembelea Ureno!”