FUNGUO TANO (5) ZA MAFANIKIO YAKO KATIKA BIASHARA NA UJASIRIAMALI.

Kwa wanaofanya biashara na ambao kwa kiasi wamefikia pazuri wanajua vema kwamba kuanzisha biashara au kuendesha biashara si jambo rahisi.  Watu wengi hugundua ugumu wa kuendesha biashara baada ya kuanza na si kabla. na pia watu wengi wanachukulia suala la Ujasiriamali kama jambo jepesi  kwa sababu  tu wana uwezo wa kupata mitaji.  Wanafikiri wanaweza kufanya chochote na kupata mafanikio katika biashara, kumbe kuna mambo mengi ya kuangalia. zifuatazo ni funguo tano za mafanikio yako katika biashara na Ujasiriamali.  

1. Kuwa na dira.

Dira inakuwezesha kufika kule unakotaka kwenda. unapaswa kuweka malengo juu ya kule unakotaka kufika baada ya muda fulani, pia tambua kuwa changamoto unazohisi zitakukumba sambamba na suluhu sahihi. ukiwa na malengo itakuwa rahisi  sana kukabiliana na vikwazo unapokuwa safarini. Uchunguzi unaonyesha kwamba Watu wengi huweka malengo huku wakisahau au kupuuzia adha zinazoweza kuwakumba au zilizowakumba watu wengine waliokuwa na malengo kama yao. Kuwa na dira na kufikia mafanikio yako.

2. usishindane na waliofanikiwa.

Hili uweze kupata mafanikio katika biashara na Ujasiriamali hakikisha unawafanya waliofanikiwa wajione wapo juu. Kama unataka kuwashangaza basi usionyeshe ujuzi wako wote. Kuwapa waliofanikiwa heshima yao kutakufanya upate msaada na hatimaye ufikie kiwango cha juu cha mafanikio bila ya kupata taabu nyingi.

3. tenda.

Mafanikio  unayopata  kupitia maneno hayafai kitu. usishindane juu ya uwezo wako wa maneno bali, acha matendo yaongee. Mafanikio  makini ni yale  utakayoyapata kupitia matendo yako, na si kwa wingi wa maneno yako. Uhalisia wa matendo huonyesha umakini wako kwa jamii inayo kuzunguka. utasifiwa kwa kadiri ya juhudi zako za hali na mali kwa kutatua changamoto zinazokusonga, si kwa kupiga domo.

4. Tafuta msaada.

Kufanikiwa kwako kunategemea mchango utakaoupata kutoka kwa wale wanaokuzunguka  kwa mfano mazingira na marafiki. tumia busara, ujuzi na maarifa ya wale unaofanya nao kazi ili uweze kusonga mbele. fahamu kuwa Msaada haupunguzi tu nguvu, bali pia huongeza ufanisi na kuimarisha urafiki. utapata fadhila kutoka kwa wasaidizi wako, ndipo jamii husika. Hivyo, waachie watu wengine yale wanayoweza kufanya kwa ufanisi.

5. Malengo.

Ili uweze kufikia mafanikio makubwa katika biashara na Ujasiriamali , unahitaji kuwa na malengo kwani bila malengo ni vigumu kuweza kufanikiwa katika Ujasiriamali. Asante kwa kusoma makala hii, nakutakia kila la kheri katika safari ya kuboresha maisha yako na kuweza kufikia mafanikio makubwa katika biashara na Ujasiriamali. TUPO PAMOJA