LIGI KUU ENGLAND – RATIBA MSIMU MPYA 2016/17 KUTOKA JUMATANO!

LICHA ya hivi sasa kuwepo na mvuto mkubwa wa EURO 2016 na COPA AMERICA CENTENARIO, Jumatano Juni 15 macho ya Wadau wa Soka yatakuwa huko England wakati Ratiba ya Msimu mpya wa 2016/17 ya BPL, Ligi Kuu England, itakapoanikwa.
Safari hii mvuto mkubwa ni kutaka kujua Klabu kubwa za England, Manchester United, Manchester City na Chelsea zitaanza vipi Ligi hii zikiwa na Mameneja wapya wa Majina makubwa.
Man City watakuwa na Pep Guardiola, Man United wanae Jose Mourinho na Chelsea yupo Antonio Conte.
Pia, Wadau wanataka kuona Klabu zilizopanda Daraja, Burnley, Middlesbrough na Hull City, zitaanzaje.
Lakini mvuto mkubwa wa asilia ni kutaka kujua Bigi Mechi, zile Dabi kali, kama ile ya Jiji la Manchester, kati ya Man United na Man City, Dabi ya Merseyside, Liverpool v Everton, Dabi ya London Kaskazini, Arsenal v Spurs, zitaangukia vipi.
TAREHE MUHIMU:
-Agosti 7: Ngao ya Jamii: Mabingwa wa BPL, Leicester City v Mabingwa wa FA CUP, Man United
-BPL: Kuanza Agosti 13 na kumalizika Mei 14, 2017