EURO 2016: ENGLAND, WALES ZASONGA, RUSSIA NJE!

 >>SLOVAKIA YASUBIRI TIKETI MSHINDI WA 3 BORA!
EURO 2016
Matokeo:
Jumatatu Juni 20
KUNDI B, Russia 0 Wales 3
KUNDI B, Slovakia 0 England 0

KUNDI B la EURO 2016 LEO limemaliza Mechi zao za mwisho za Kundi Nchini France kwa Wales na England kutinga moja kwa moja Raundi ya Mtoano ya Timu 16 na Slovakia kungojea majaliwa ya kupata moja ya Tiketi 4 za Washindi wa Tatu Bora huku Russia wakifungashwa virago.
Kwenye Mechi za Leo, Wales iliichapa Russia 3-0 huko Stadium de Toulouse Mjini Tolouse na kumaliza Kundi B wakiwa Nambari Wani wakati England na Slovakia zikitoka 0-0 huko Stade Geoffroy Guichard Mjini Saint-Etienne.
Bao za Wales kwenye Mechi yao na Russia zilifungwa na Aaron Ramsey, Dakika ya 11, Neil Taylor, Dakika ya 20, na Gareth Bale, Dakika ya 67.
England, wakibadilisha Kikosi chao Wachezaji 6 pamoja na Kepteni wao Wayne Rooney akianzia Benchi, walishindwa kupata Bao licha ya kutawala Mechi yote.

TIMU ZILIZOFU KUINGIA RAUNDI YA MTOANO YA TIMU 16:
-KUNDI A: France, Switzerland
-KUNDI B: Wales, England
-KUNDI D: Spain
-KUNDI E: Italy
**Bado Timu 10
**Washindi Wawili wa juu wa Kila Kundi na Timu 4 zilizomaliza Nafasi za Tatu Bora zitaingia Raundi ya Mtoano ya Timu 16

Kwenye Raundi ya Mtoano ya Timu 16, Wales watacheza na Mshindi wa 3 toka Kundi A/C/D wakati England watacheza na Mshindi wa Pili wa Kundi F ambalo lina Timu za Portugal, Iceland, Austria, Hungary.