PSG yatinga robo fainali kwa kuipiga Chelsea nyumbani na ugenini (+Video)

Michezo ya marudiano hatua ya 16 bira ya Ligi ya Mabingwa Ulaya imeendelea tena usiku wa March 9, kwa michezo miwili kupigwa barani Ulaya. Klabu ya Chelsea ilikuwa mwenyeji wa klabu ya Paris Saint Germain ya Ufaransa, wakati Zenit walicheza dhidi ya Benfica.

Kwa upande wa klabu ya Chelsea walikuwa Stamford Bridge chu kupambana na PSG ili waweze kusonga mbele hatua robo fainali kwa kuhangaika kutaka kuifunga klabu hiyo, ambayo mchezo wa kwanza, walifungwa 2-1 Paris Ufaransa.

Hata hivyo jitihada za Chelsea ziligonga mwamba, baada ya PSG kufanikiwa kuibuka na ushindi wa goli 2-1, hivyo Chelsea wametolewa kwa jumla ya magoli 4-2. Magoli ya PSG yalifungwa na Adrien Rabiot dakika ya 16 na Zlatan Ibrahimovic dakika ya 67 na Chelsea kuambulia goli moja pekee lililofungwa na Diego Costa dakika ya 27.