Ndani ya saa moja Maria Sharapova apoteza zaidi ya $70million.

Mcheza tennis mashuhuri duniani Maria Sharapova amejikuta kwenye hasara kubwa ya maisha yake baada ya kupoteza dili lake na Nike lenye thamani ya $70million ndani ya saa moja tu baada ya kutangaza kuwa amekutwa ametumia dawa ambazo hazitakiwi kwa wanamichezo.
Sharapova amekua tested positive na dawa ambazo haziruhusiwi kwenye michezo ambazo amezitaja kama Mildronate au Meldonium kuanzia January mwaka huu.
Baada ya habari hizo kutoka wadhamini wake wakaanza kuvunja mikataba kuanzia Nike ambao ndio walikua na dili kubwa la $70million, wakafuatia kampuni ya brand za saa za mkononi TAG Heuer.
Msemaji wa Nike amesema, “Tumesitisha kufanya kazi na Sharapova sasa hivi tukiendelea na uchunguzi hadi hapo baadae.”
Kutokana na takwimu za Forbes Sharapova alikua anapokea $30million kwa mwaka kutokana na mishahara mbalimbali. Pesa hizo zinategemewa kushuka kutokana na wadhamini wake kuvunja mikataba.