UKISEMA WANINI WENZIO WANASEMA TUTAPATA LINI

  Aliyekuwa kocha wa makipa wa Simba, Iddi Salim ambaye alitimuliwa pamoja na Dylan Kerr, ameula.

Salim ameitwa tena kuwanoa makipa wa kikosi cha timu ya taifa ya Kenya maarufu kama Harambee Stars.

Kocha huyo kijana, kabla ya kutua Simba aliwahi kuinoa Gor Mahia iliyokuwa iking'ara wakati huo chini ya Zdravko Logarusic na baadaye Harambee Stars chini ya Adel Amrouche.

Juhudi za kumpata Salim kutoka Nairobi Kenya ili tuzungumze naye kuhusiana na hilo, bado zinaendelea.