MKUU WA MKOA WA IRINGA AMINA MASENZA AWASHUKURU WANAO TOA MISAADA KWAAJIRI YA WAHANGA PAWAGA

Mkuu wa mkoa wa Iringa Bi Amina Masenza

Mkuu wa mkoa wa Iringa Bi Amina Masenza ameishukuru Benki ya MUKOBA[ PLC] kwa kuweza kutoa msaada wa saruji yenye thamani ya shilingi milioni moja na laki nane  kwa wahanga wa mafuriko katika vijiji vya tarafa ya Pawaga wilaya ya Iringa vijijini.

Bi Masenza ameziomba taasisi mbalimbali kuweza kutoa msaada kwa wathilika wa mafuriko kwani mahitaji bado ni mengi na wengi wao hawana makazi hadi sasa.

Kwa upande wake Meneja wa Benki ya MUCOBA Bwana  Beni Mahenge amesema kuwa wao kama benki ambao wamekuwa wakiwahudumia wananchi wameguswa na jambo hilo lililowakuta wananchi wa Tarafa ya Pawaga nakufikia hatua ya kutoa msaada huo wa saruji yenye thamani ya shilingi milioni moja na laki nane.