SHUHUDIA GOLI LA ROONY WALIPOIFUNGA CSKA GOLI MOJA ( VIDEO )

NDANI ya Old Trafford hapo Jana Manchester United wamemaliza ukame wa Mabao kwa kuifunga CSKA Moscow Bao 1-0 kwa Bao la Kichwa la Kepteni wao Wayne Rooney katika Mechi ya Marudiano ya Kundi B la UEFA CHAMPIONZ LIGI, UCL.
 

Kabla ya Mechi hii, Man United walikuwa na ubutu wa Magoli kwani walikuwa hawajafunga Bao lolote katika Dakika 90 tangu Anthony Martial aliposawazisha walipotoka 1-1 na CSKA Moscow Wiki 2 zilizopita na tangu hapo, Man United imeambua Sare za 0-0 mara 3, mbili zikiwa za Ligi Kuu England dhidi ya Man City na Crystal Palace na moja na Middlesbrough katika Capital One Cup ambalo walitolewa kwa Penati 3-1.

Hizo zilikuwa ni Jumla ya Dakika 325 za Michezo bila kuona nyavu.
Lakini katika Dakika ya 79 ya Mechi ya Jana, ikiwa ni Dakika ya 404 tangu wafunge Bao, Michael Carrick alitoa pande murua kwa Jesse Lingard ambae Krosi yake iliunganishwa kwa Kichwa cha nguvu cha Wayne Rooney kilichomshinda Kipa Akinfeev na kuipa Man United Bao.

Hilo ni Bao la 237 la Rooney kwa Man United na kumfanya awe sawa na Dennis Law wakiwa ni wa Pili katika Ufungaji Bora katika Historia ya Man United ambayo anaongoza Sir Bobby Charlton akiwa na Mabao 249.
 
Ushindi huu wa Man United umewapa Man United uongozi wa Kundi B wakiwa na Pointi 7 baada ya Mechi nyingine ya Kundi B kumalizika PSV 2 Wolfsburg 0.
Mechi inayofuata kwa Man United ni hapo Novemba 25 Uwanjani Old Trafford dhidi ya PSV Eindhoven