Matokeo ya Liverpool vs Chelsea na list ya vilabu vitatu vilivyoshuka daraja EPL msimu wa 2015/2016

Tayari Ligi Kuu ya Uingereza Bingwa tumeshafahamu ni klabu ya Leicester City ambayo imeweka historia mpya, baada ya kutwaa taji hilo kwa mara ya kwanza katika historia yake toka ianzishwe miaka 132 iliyopita, licha ya kuwa mchezo kati ya Liverpool na Chelsea ulikuwa ni mchezo mkubwa na umemalizika kwa sare ya goli 1-1.

Huku magoli yakifungwa na Eden Hazard kwa upande wa Chelsea dakika ya 32 na Christian Benteke akaisawazishia Liverpool dakika ya 90 na kufanya vilabu hivyo kumaliza mchezo huo kwa sare ya 1-1. Stori kubwa ilikuwa katika mchezo wa Sunderland dhidi ya Everton, huo ulikuwa ni mchezo muhimu kwa Sunderland kupata ushindi ili kutoshuka daraja.

Msimamo wa Ligi Kuu Uingereza ulivyo kwa sasa, timu zikiwa zimebakiza mchezo mmoja mmoja kwa sasa.

Sunderland walikuwa nyumbani na walilazimika kupambana kufa na kupona na hatimae kupata ushindi goli 3-0, ushindi ambao ulirejesha furaha kwa mashabiki wao kama vile wametwaa Kombe la Ligi Kuu, baada ya ushindi huo sasa vilabu vya Newcastle United, Aston Villa na Norwich City ambao leo walipata ushindi wa goli 4-2 dhidi ya Watford wameshuka daraja.