AMUUA MKE WAKE NA KUMTUPA KWENYE SHIMO LA CHOO KISA WIVU WA MAPENZI

JESHI  la  polisi  mkoa  wa Iringa linamshikilia James Benitho (26) mkazi wa  kijiji  cha Iyegela  wilaya ya  Mufindi mkoani Iringa kwa  tuhuma  za  kumuua mke wake Lucy Muhusi mwenye umri  wa miaka 40  kwa kumnyonga na kumchoma na kitu  chenye ncha kali katika paja  lake  kisha kumtupa katika shimo la choo kwa  kile  kilichoelezwa kuwa nai wivu  wa kimapenzi.

 Kamanda  wa  polisi wa  mkoa  wa Iringa  Peter  Kakamba  amesema kuwa mwanaume Benitho  alifikia uamuzi   huo  baada ya kubaini kusalitiwa ndoa yake kwa mwanamke huyo kuwa na mahusiano ya  kimapenzi na mwanaume  mwingine.

Wakati  huo  huo mtoto Heren Mhenzi (5) mkazi  wa Isele  kata ya llula  barabara  ya Ilula Image   wilaya ya Kilolo  amepoteza maisha  yake baada ya  kugongwa na  pikipiki yenye namba  za usajili  MC156 ASR iliyokuwa ikiendeshwa na  Goshen Lutambi (25) mkazi wa Mtuwa kumgonga  mtoto huyo na kusababisha kifo chake papo  hapo na  chanzo cha ajali hiyo ni mwendo kasi na  dereva  kutochukua  tahadhali za barabarani .