Justin Bieber na Taylor Swift watawala Twitter

Wanamuziki Justin Bieber na Taylor Swift ndio waliotamba zaidi kwa mazungumzo katika mtandao wa kijamii wa Twitter mwaka 2015, wakuu wa Twitter wamesema.

Watu wenye wafuasi wengi Twitter

Katy Perry - 78.3 milioni
Justin Bieber - 70.5 milioni
Taylor Swift - 66.7 milioni
Barack Obama - 66.5 milioni
Rihanna - 53.1 milioni

Kwa miezi sita ya kwanza, Taylor Swift ndiye aliyetawala kabla ya Justin Bieber “kuchukua usukani”.
Lakini mazungumzo katika mtandao wa Twitter haujakuwa kuhusu wasanii pekee na muziki.
"Mazungumzo ya kisiasa na watu wakieleza hisia zao pia vimeongezeka,” mkuu wa Twitter Ulaya Bruce Daisley aliambia kipindi cha Newsbeat.
"Ndiye msanii wa tatu kwa kuwa na wafuasi wengi Twitter. Nusu ya pili ya mwaka, Justin Bieber alitawala,” anasema Daisley.
"Bieber ndiye wa pili kwa kuwa na wafuasi wengi. Alikuwa na wafuasi 50 milioni na amewatumia vyema na kwa werevu.”

Ujumbe uliosambazwa mara nyingi zaidi kwenye Twitter ulikuwa wa kiongozi wa bendi ya One Direction Harry Styles.